بحر المودة او بتذكرك يا يمه | فرقة الصحوة . HD 中國

كلمات : السر عثمان الطيب ألحان و أداء : محمد جبارة *** شوفي الزمن يا يمة ساقني بعيد خلاص جرعني كاس دردرني إتغربت و إتعذبت يا يمة وريني الخلاص يا يمة يا نور الصباح وقتين يطل يايمة يابدري البيشع دايما يهل يا يمة يا فيض الحنان الما كمل وا شري يا زينوبة ولدك في دروب الشوق كتل محروم من الحب و المحنة وراك همل يا يمة يا نغماً حنين بالشوق يرن و أفكاري فيهو بيرتعن دمعاتي شانو بينزلن بتذكرك يا يمة في الدغش النسايمو يهبهبن قايمة الصباح متكفلتي شايلي الحليلة على المراح جبتي اللبن بي إنشراح و الساعة يادوبو ديكنا بدا الصياح والطير صغاروا يغردن بتذكرك يا يمة يا يمة في ساعة الهجير صالاك نار الدوكِ عستيلنا الفطير رشيتي قلتي أكلوهوا خير بتذكرك يا بسمة الطفل الغرير وقت الخلوق ترقد تنوم أسهر براي أرعى النجوم و الشوق يلفْ جنحينو بي فوق لي يحوم و أهتف بأسمك في الخيال طيفك كمان بي فوقي جال و أتمنى لو لحظات يدوم لكني فجْأة ألقاهو زال يا يمة يا بحر المودة وقت يفيض يا يمة يا شعلة أمل زادت وميض يا يمة يا عنقود كلام منظوم غريد بتذكرك يا يمة وقت الناس يجونا من البلد ناعم ترابها على جسيماتهم رقد ريحة التمر فوق الهدوم لون الخدار خالص لبد و الشوق اواري بيشتعل كان ظني فيهو يكون خمد بتذكرك يا يمة و الناس قالوا قايمين البلد رصوا الهديمات عدلوا ركبوا اللواري و قبلوا خلوني وحدي بلا أنيس كيف إنفرادي أتحملوا شالوا السلام أنا مني ليك يا يمة ساعة يوصلو و يقولوا ليك شفناهو في بلد الأمان يا يمة رسلي لي عفوكِ ينجيني من جور الزمان

Category