اليوم عنا طريقة عمل شوربة رمضان الشهيرة و المحبوبة جدا بأيام رمضان طريقة عمل شوربة كرات اللحمة المفرومة اللذيذة هنقدمها بطريقة بسيطة و بمذاق شهي بتمنى تعجبكم الوصفة و تجربوها و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض
.حتى لا يفوتكم وصفاتنا يمكنكم الاشتراك فى القناه.
/c/elmatbakhelturky
المكونات:
2 ملعقة كبيرة من الزيت
1 حبة من البصل
1 ملعقة كبيرة من صلصة البندورة
1,5 لتر من الماء الساخن
1\2 كوب من الأريشتة
1,5 ملعقة صغيرة من الملح
للتتبيلة:
1 كوب من اللبن
1 حبة من البيض
1 ملعقة كبيرة من الطحين
مكونات اللحمة المفرومة:
1 ملعقة كبيرة من الطحين
200 جرام من اللحمة المفرومة
2 ملعقة كبيرة من البرغل
1 ملعقة صغيرة من الفلفل الأحمر
1 ملعقة صغيرة من الفلفل الأسود
مكونات الصوص:
2 - 3 ملاعق كبيرة من الزبدة
1 ملعقة صغيرة من النعناع اليابس
1\2 ملعقة صغيرة من الفلفل الأحمر الناعم
طريقة التحضير:
1- بالبداية هناخد في طبق مناسب شوي من الطحين و نتركه على جنب لحتى نستخدمه لتغميس كرات اللحمة المفرومة
2- أما هلق هننتقل لتجهيز كرات اللحمة و هناخد في طبق مناسب اللحمة المفرومة، البرغل الناعم، الفلفل الأسود و الفلفل الأحمر و نحرك كل المكونات مع بعض منيح
3- و لتشكيل القطع هناخد شوي من اللحمة و نعملها بأيدينا على شكل كرات صغيرة و نحط الكرات اللي جهزوا معنا في طبق الطحين و نغسمهن من كل الأطراف بشكل متساوي
4- أما هلق هنبدا بتجهيز الشوربة و هنضيف في طنجرة مناسبة الزيت و حبة من البصل و نكون بارشينها و نحركهم مع بعض لحتى يتغير معنا لون البصل
5- و لما يتغير معنا لون البصل هنضيف صلصة البندورة و نحركهم مع بعض كمان مرة بعدين هنضيف الماء الساخن و نحركهم مع بعض و نتركهم على النار لحتى تبدا تغلي معنا الشوربة
6- بعدين هنضيف كرات اللحمة اللي جهزناهم على الشوربة و هي و عم تغلي و نتركهم تقريبا لمدة 3 - 4 دقائق بعدين هنضيف عليهم الأريشتة ( المعكرونة ) و نتركهم على النار لحتى تستوي معنا الأريشتة
7- و بهالوقت هننتقل لتجهيز التتبيلة و هناخد في طبق مناسب اللبن، البيض و الطحين و نخفقهم مع بعض منيح بعدين هنضيف عليهم شوي من الشوربة بمساعدة الكفكير بالتدريج و نضل نحرك التتبيلة و بهي الطريقة ما بيفرط معنا اللبن وقت نضيفه على الشوربة
8- أما هلق بعد ما تكون جهزت معنا التتبيلة و صارت دافئة هنضيفها على الشوربة بالتدريج و بنفس الوقت هنضل نحرك الشوربة و نحن و عم نضيف التتبيلة و قوام الشوربة فيكم تعيروا على حسب الرغبة و إذا حسيتوا انو الشوربة بحاجة للماء فيكم تضيفوا شوي من الماء الساخن
9- بعدين هنترك الشوربة على النار لحتى تغلي كمان شوي لمدة 4 - 5 دقائق و هيك يعتبر جهزت معنا الشوربة هنضيف عليها الملح و نحركها كمان مرة بعدين هنشيلها من على النار
10- و لتجهيز الصوص هناخد مقلاة مناسبة و نضيف الزبدة و نتركها لحتى تذوب بعدين هنضيف عليها النعناع اليابس و الفلفل الأحمر الناعم و نحركهم مع بعض بعدين هنضيفهم على الشوربة و نحرك الشوربة منيح للمرة الأخيرة
11- و هيك بيكون جهزت معنا شوربة كرات اللحمة المفرومة هنقدمها بالطريقة اللي منحبها و فينا وقت التقديم نضيف على وجه طبق الشوربة شوي من صوص الزبدة اللي جهزناه
و صحة و عافية
طريقة عمل شوربة العدس
/watch/UeqMjxVjFe6jM
طريقة عمل شوربة الخضراوات بالكريمة
/watch/YSg9yOE6jMa69
من اجمل الشوربات برمضان طريقة عمل شوربة العدس
/watch/c0MtXHDud4tut
شوربة الحمص شوربة جديدة من المطبخ التركي
/watch/cxv9ejOhf0mh9
جربى طريقة جديدة لعمل شوربة الأرز
/watch/IvCFbyufJ91fF
شوربة السبانخ بالطريقة التركية
/watch/0EHAi70S8N7SA
يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky
يمكنكم متابعتنا على الانستغرام.
https://www.instagram.com/elmatbakh.elturky