البقلاوة التونسية /بقلاوة الزقوقو/من تحضير امي للمناسبات والافرح 中國

البقلاوة التونسية/بقلاوة الزقوقو /من تحضير امي للمناسبات والافراح وحظرنا معاها غريبة الدرع نتمنى الفيديو يعجبكم وتشتركو في قناتي كان عجبتكم مقادير عجينة البقلاوة كيلو فرينة (دقيق ابيض) فنجان نصفو زيت ونصفو زبدة شوية ملح تعجنها مليح وتكورها كويرات وتخليها ترتاح ونعملو 10 ورقات من تحت و15 ورقة من فوق وبين الورقة والورقة ندهنو بزبدة ذايبة معها الزيت بالنسبة حشوة الزقوقو يلزم يكون عنا كيلو زقوقو عليه 400غ سكر 400غ فرينة قطرة من روح اللوز 500غ لوز مرحي. كيلو ونصف جلجلان بالنسبة الي تحب تعمل كمية صغيرة تحط 250 غ زقوقو عليهم 100غ سكر و100غ فرينة و250 غ لوز مرحي بعد متعملو 10 ورقات اخر ورقة مندهنوهاش بالزبدة نرشو عليها سكر محور نحطو خليط الزقوقو وتروشو عليه عطرشية ونزيدو رشو عليه سكر محور ونكملو الورقات متاعنا نخليوها ترتاح 3 سوايع وبع نقصوها وندخلوها للفرن على 170 درجة نخرجوها ونصبو عليها الشحور وهي سخونة نبيتوها احسن والا 6 سوايع وبعد نقصوها بالنسبة للشحور نحطو كيلو سكر تعوم عليه الماء قدقد نخليه يغلي مليح نزيدولو نصف فنجان قارص نخليه يغلي. قبل مايطيب نظيفولو فنحان عطرشية يغلي معاه 5 دقايق ونسكروعليه

Category